Կարդալ ,,Մթնշաղի անուրջներ,, ժողովածուի բանաստեղծությունները:
Առանձնացնել դուր եկածները, ներկայացնել շարքի հիմնական բովանդակությունը, թեման, դուրս բերել հետաքրքիր արտահայտություններ, նկարագրություններ:
Ընտրությամբ մեկ բանաստեղծություն սովորել անգիր:
Ինձ ամենից շատ դուր եկան «Հրաժեշտ» և «Կարոտ» բանաստեղծությունները, ես կրկին ընթերցելով հասկացա, որ տերյանի բանաստեղծությունները շատ խորիմաստ են և ինձ կրկին անգամ շատ հաճելի էր դրանք ընթերցելը։ Տերյանի բանաստեղծություններում ամենից շատը օգտագործվել է «ժպտալ» բառը, որը տրամադրությունը կարող է փոխել և կնպաստի ուրախությանը։
«Հրաժեշտ»
Դու գնում ես՝ չգիտեմ ուր,
Լուռ ու տխուր,
Հեզ գունատվող աստղի նըման։
Ես գնում եմ տրտում-մենակ,
Անժամանակ
Ծաղկից ընկած թերթի նըման։
Դու գնում ես՝ չգիտեմ ուր,
Սրտակըտուր
Լացըդ պահած իմ հայացքից։
Ես գնում եմ լուռ անտրտում,
Բայց իմ սրտում
Ցավ է անվերջ, մահո՜ւ կսկիծ…
«Կարոտ»
Իմ անվերջ ճամփի տանջանքից հոգնած՝
Ես ննջել էի ոսկեղեն արտում.
Ու ճչաց սիրտըս վայելքից անկարծ
— Թվաց որ մեկը կանչում է տրտում…
Եվ ես արթնացա խնդության ցավից .—
Գիշերվա հովն էր լալիս դաշտերում,
Մութ հեռաստանն էր դժկամ նայում ինձ,
Մենակությունն էր քարի պես լռում…